亞洲萬里通 Asia Miles 改制詳解一：賺取里數篇 (透過乘搭國泰CX 或 國泰港龍 KA 航空所獲既里數將大增)

由6月22日起透過乘搭國泰及國泰港龍航空可賺取既里數，將由實際飛行距離改為以飛行距離區域計算！

例子：即係話原本坐Y Class既香港單程去台北，舊制下根據實際飛行距離可以拎到501里，但由於新制係以飛行距離區域計算，故此於新制下可以拎到650里，比舊制更多！

更改詳情：https://www.asiamiles.com/change/zh/redeem-changes

計算飛行距離可透過以下兩個網站進行計算：
GCMAP
Asia Miles 計算機

其他改制詳情：
亞洲萬里通 Asia Miles 改制詳解二：兌換里數篇 (「亞洲萬里通」獎勵換算表來回日韓只係20,000里！仲可以中停台灣)
亞洲萬里通 Asia Miles 改制詳解三：兌換里數篇 (「寰宇一家」聯盟成員獎勵機票 Oneworld Multi-Carrier Award 所需里數將大增)

「亞洲萬里通」賺取飛行里數換算表

(只適用於乘搭國泰 / 國泰港龍航空及2018年6月22日或之後出發既航班)

於新制下，透過乘搭國泰 / 國泰港龍航空賺取里數既計算方法取決3樣野，第一係客艙級別 (cabin class)，第二係「子艙位」(Fare Class)，第三係飛行距離區域，並唔再係以前既實際飛行距離區域。

例如原本坐Y Class既香港單程去台北，舊制下根據實際飛行距離可以拎到501里，但由於新制係以飛行距離區域計算，故此於新制下可以拎到650里，比舊制更多！就算係Q Class既平飛，舊制下只能儲到25%，即係125里，但於新制下就儲到330里，比舊制多一倍！

如果去台中的話就更誇張，例如Y Class既香港單程去台中，舊制下根據實際飛行距離只可以拎到447里，但於新制下既飛行距離區域計算，就可以拎到650里，比舊制多接近50%！

「亞洲萬里通」賺取飛行里數變更例子

由上表可見，基本上大部份既熱門航線可以賺到既里數都多接近2倍！只有少數例如去馬尼拉既航班 (馬尼拉就算數啦) 同少數西岸城市既平價PEY同Business先會儲少佐！故此呢個改動係普天同慶呀！