Category: 小斯遊蹤 (飛行體驗 + 遊記)

之前聖誕大家見我喺澳洲玩得咁開心，就不斷問我行程同點換機票，宜家打晒出黎俾大家睇下我點用14日同換機票玩晒Adelaide、Sydney、Gold Coast、Whistsunday同Brisbane啦！不過我行程係勁趕架！無計啦！我手停口停呀！所以大家參考下好啦！今次既主要目的，當然係揸飛機、玩Skydive、睇Heart Reef同抱樹熊啦！   80,000里 Business行程 Hong Kong->Adelaide (Stopover) Adelaide->Sydney (Stopover) Sydney->Gold Coast (Openjaw) Brisbane->Hong Kong   Day 1 Adelaide (Hahndorf–>Central Market–>Glenelg) Day 2 Adelaide (Flight Training Adelaide) –>Sydney (Opera House, Sydney Bridge) Day 3 Sydney (Blue Mountain–>Jenolan Caves) Day 4 Sydney (Hunter Valley) Day 5 Sydney (Sydney Harbour Bridge Climb, the Rocks)–>Gold Coast Day …

Continue reading

原來大家除佐對優惠有興趣之外，對於我去佐邊都好有興趣！hahahaha 上次我去完濟州之後，好多fans都inbox問我，話我得P牌，又路痴，韓文又唔識，咁點去濟州玩！就對我個行程好有興趣，所以今次就同大家分享一下我個四日三夜濟州行程啦！ 第一日：Check in–>南部一日遊 (神奇之路–> 漢拿山–> 正房瀑布–> 葯泉寺–> 柱狀節理帶) 第二日：韓服體驗–> 海女之家–> E-mart 第三日：東部一日遊 (城邑民俗村–> 食黑毛豬–> 濟州島海女秀–> 城山日出峰–> 萬丈窟) 第四日：東門水產市場–> 黑毛一條街–> Lotte Mart   第一日 首先第一日凌晨落機，去酒店check完in之後，就開始南部一日遊。首先第一站係去神奇之路。 呢條路睇落係一條斜坡黎，但睇落上斜個段其實係落斜，落斜個段其實係上斜。聽返個領隊oppa講，佢話當時有個司機泊佐部車係到去廁所，然後去到一半，見到架車郁，就嚇到未痾完條褲濕晒都即刻衝去拎返部車，但拎返個下就發覺架車無人，跟手就發現佐呢條神奇之路。濟州市政府為佐答謝佢，仲送返條褲俾佢。哈！ 跟手就去佐漢拿山，行到我死死下！但行到頂個啲油菜花真係好鬼靚！ 行行行行行，行佐我半個幾鐘先上到去lol 行到上黎真係勁靚呀！ 跟住下一站就係去正房瀑布。 岩岩落完雨，如果唔係藍天睇會靚好多！ 跟住就到藥泉寺，我覺得無乜特別lol 到佐最後一站啦！就係柱狀節理帶！呢到地方成日係相到睇到，但真正黎到真係靚勁多呀！仲要橙色個啲勁似火山勁靚呀！最開心係黎到呢個景點就停雨，有返少少藍天俾我影相呀！   第二日 起身食完個午餐就去到影韓服，成班fd黎玩真係幾好玩架！哈哈！ 跟住就去佐海邊食海鮮。真係查google map查到我死咁制，就同啲韓國人勁雞同鴨講，好彩最後都去到！ 呢間就係海女之家 生鮑魚 會吸住你個口既章魚，哈哈哈！   第三日 又係神咁早要起身既一日，因為join佐個東部一天遊。朝早都係參觀下民俗村，同大家介紹一下濟州既海女文化。午餐就食黑毛豬！ 跟住就去城山日出峰睇海女秀啦！你睇下啲海女，其實係海婆黎！但佢地日日咁落水捉魚，所以係勁精神架！ 睇完海女秀就行上去日出峰，天氣好真係好鬼靚！ 最後就去萬丈窟，大自然既威力真係偉大！   第四日 主力今日都係去hea同行下街，但濟州啲水產市場真係好好行，我地行下行下都行佐幾粒鐘！哈！ 濟州最出名就係柑橘，成個街市都係呀！ 呢個叫做石頭爺爺！摸佢個鼻就可以生仔，摸佢個鼻哥窿就係生女啦！ 跟手訓完一覺，第二朝就坐早機返香港了！

終於黎到黃刀之旅極光最終回啦！之前就同過大家講過夜晚既極光tour，咁宜家就講下究竟日光日白有咩做啦！黃刀既日間活動包括釣冰魚、揸吉普車、玩狗雪橇、睇冰雕 (一般於3月先有) 等。我自己個陣就去佐釣冰魚同埋揸吉普車。宜家同大家分享一下啦！ 釣冰魚 釣冰魚一般係一個差唔多成4粒鐘既tour黎。一開始啲當地人會示範一次點樣釣冰魚，然後釣完就會即場切開去整魚生過你食。之後就會去佢地屋企，佢地就會將頭先釣佐既魚煎黎俾你地，然後喺附近行多陣就走了！當時呢個tour我俾佐125CAD。   首先要喺地下到開個窿 然後再用縄扯條魚出黎   最後就釣到條魚出黎啦！ 跟住再切開條魚做刺生   然後就去佢地屋企，佢地會即場煎佐條魚俾我地食，超好食呀！   再喺附近到行下咁就一日了！   揸吉普車 至於另一個活動就係揸吉普車，想像一下自己一個人揸住架吉普車，係冰上面風馳電掣，係幾咁爽既一件事！哈哈！呢個吉普車2個鐘我當時俾佐165 CAD。 就連個景都勁靚呀！ 玩狗雪橇 狗雪橇係當地既傳統，即係你坐係到，然後由一堆狗狗拖住你走。由於同我同行既朋友係愛狗人士，佢覺得太殘忍就無玩到。我就另外問朋友拎佐啲相黎俾大家睇。狗雪橇有兩隻玩法，一隻就係drive your own dog，即係你自己揸一架狗車。價錢就係75 CAD一個鐘。如果係traditional個隻就係65CAD。     你睇下我啲朋友玩得幾開心！   睇冰雕 另外喺3月黃刀有一大盛事，就係冰雕展。我一月去既時候啲冰雕已經係到整緊，到時一定會盛大同好靚啊！如果係3月去黃刀既朋友千祈唔好錯過！   北極圈證書 最後，就係集郵必備既證書一張！大家只要到旅遊中心個到，俾3 CAD，就可以拎到呢張證明你去到黃刀鎮既證書架啦！   總結 去黃刀鎮玩絕對係體力既挑戰！大約作息時間如下： 10:00 – 11:00 梳洗及早餐 11:00 – 16:00 日間活動 16:00 – 19:00 休息 19:00 – 20:00 晚餐 …

Continue reading

終於到佐大家期待已久既黃刀極光之旅第三彈啦！今次想同大家介紹下我喺黃刀4日3夜裡面做佐啲乜。首先我有3晚分別join佐唔同既極光Tour，另外有兩個full day晏晝個陣就去佐釣冰魚同埋揸吉普車，今個post先同大家講下極光既local tour先！事不宜遲，去相啦！ 黃刀鎮既極光tour主要有兩類，第一類係跟住一啲叫極光獵人既當地人，佢會揸架車帶你通山走，邊到有極光邊到睇得靚既，佢就會車你去個到睇，而且仲有晒腳架後備電借俾你，裝備非常充足！ 另一類就係跟團，跟團既意思就係佢會搵架大既旅遊巴，車你去一個叫做Aurora Village既地方，俾你坐定定咁等極光出黎。果個Village有唔同既帳幕俾大家係一個暖粒粒既環境下睇極光，而且又有晒廁所、熱飲同餐廳。 而我就選擇頭2晚join極光獵人，最後一晚就去Aurora Village。小斯強烈建議大家join極光獵人，因為可以通山走，個極光係會靚好多架！而我個兩晚join果個獵人個名就係叫David (https://facebook.com/david.yau.754)，佢係個邊長居既香港人黎，所以大家唔需要擔心溝通上有乜問題呀！ 喺大約夜晚既11點，David就會揸架車黎車大家周圍去睇極光。 雖然通山走真係好鬼凍，但係David車上面會有熱朱古力、熱水等等俾大家飲，而且有一晚佢仲煲佐粥俾我地食呀！ 小斯唔係好識影相，不過照同大家分享下啲經驗啦！影極光既重點都係要落腳架、長曝同低iso啦！我呢張都foc佐差唔多成20秒架！題外話，本身我都有帶支腳架去既，但出名大矇既我，居然將成支腳架漏佐係架飛機到！好彩David佢有腳架相借喳！唔係真係毛都影唔到條呀！ 喺另一晚，我就去佐Aurora Village，即係之前同大家講過有個帳幕俾大家休息住等極光出現既地方。 帳幕入面既設備非常充足，有非常重要非常暖既火爐、熱水、茶、咖啡、朱古力等等。 喺Aurora Village裡面影極光的話，就可以連埋個營一齊影埋入去，但係感覺仲係無通山走咁開心。 所以小斯既建議就係，Aurora Village係值得去一次既，但一次起兩次止，睇極光，始終都係揸架車，跟住個當地方通山走爽好多呀！下次最終回就同大家講下黃刀鎮日頭有乜做呀！

黎到黃刀極光之旅第二彈！係上一彈大家都記得我係坐日航既business去加拿大溫哥華架啦！今次就想同大家分享一下～總括黎講，日航business親切度爆分，始終都係日本既航空公司嘛 (係架啦！我係崇日架啦！) 啲嘢食都仲要好正，尤其係西式野！不過因為航線問題，個seat位始終唔係平晒既flat，真係訓得有啲辛苦！但總括黎講，都推介大家試下既！ 舒適：＊＊＊ 服務：＊＊＊＊＊ 食物：＊＊＊＊＊ 日本航空東京成田來回加拿大溫哥華既客機係以787-8執飛，用既係JAL SHELL FLAT NEO。一上到機，梗係要玩下佢個隻可以轉色既窗啦！ 座位則以2-2-2排列，今次我係坐第一排既～ 座位如果以坐黎講，其實都幾舒服，對手都唔會話惦到個handle。個mon都幾大，電影主要以日本及西片為主，港產片係無既～有usb口插電；耳筒係用SONY既，質素幾好唔錯。 如果唔係坐最前的話，個mon下面仲會有個位俾大家放野，幾大幾好既。   到講張登，張登可以搞半躺同170度平訓。 170度平躺其實真係有啲辛苦，因為個人會成個sir佐落去訓。但我坐過第一次之後，就知點樣坐得舒服了！只要唔好將個腳位伸直晒，反而整返平佢，咁就訓得好舒服架啦！同埋大家最好問空姐拎多張被，將張被舖喺面，就會舒服好多架啦！ 好！到講過夜包，日航個過夜包係一個日本喼既牌子黎 (其實我唔係好識係乜，嘻)。裡面都係正正常常既野啦～耳塞、紙巾、牙刷、潤唇膏、眼罩、口罩等。 到佐戲肉，就係野食啦！呢程機總共會食2餐，一餐晚餐同一餐輕食。上機無耐之後，就會開始上晚餐。佢有西式同日式俾大家揀。上面個2幅圖係西式；下面個2幅為日式。小斯建議大家最好同朋友一人揀一份咁試，雖然佢係日本航空公司，但佢個西餐真係好好食！除佐個樣做得精緻之外，質素亦好高，佢舊牛仲要整到係紅色，6成熟岩岩好添！ 至於日式更加誇張，我坐佢business就係為佐佢果個九宮格盒，九宮格裡面有9種唔同既漬物，但好唔好食就見人見智，嘻嘻！跟住個main都係家常便飯，但有得喺飛機上面飲麵鼓湯真係好正！個飯仲要係圖碌碌既珍珠米黎添！ 好！輪到輕食啦！上面係日式，係蟹粥黎！好鬼好味！西式都一樣咁好味，係奄列同Yogurt黎，非常健康美味！                                           最後，因為喺等緊去廁所既時候，同個空姐吹佐幾句水，佢就送佐張post card俾我，日本妹既小心機真係不得了！ 總括黎講，日航既business class係軟件方面，包括服務同野食都十分唔錯，唯獨係航線問題，坐唔到flat既business，訓覺就差好遠了！

加拿大黃刀鎮，相傳係全球最易睇到北極光既地方，一年大約有260日都可以睇到極光。而小斯就喺岩岩個聖誕去佐黃刀鎮，果然俾我第一晚就睇到一直俾吳若希洗腦既我要與你去看極地曙光啦！咁當然我係用里數換去架啦！就等我分享個行程俾大家啦！ 首先，要去黃刀鎮，行程一般係： 香港HKG->溫哥華YVR 溫哥華YVR->黃刀鎮YZF 黃刀鎮YZF->溫哥華YVR 溫哥華YVR->香港HKG 所以即係換機票的話，就要拆開香港<->溫哥華、溫哥華<->黃刀鎮去換啦！點解你睇落去就會明架啦！ – 香港HKG<->溫哥華YVR 咁香港來回溫哥華，儲開AM既我地，好簡單就咁換國泰來回就得啦！ 而且時間仲幾靚！去程有午機去午機到同凌晨機去夜機到選擇；回程唔使講梗係揀凌晨機去早機到啦！而且稅同燃油都唔貴，$644架喳！Econ要60,000里，Business就120,000里，小斯強烈建議大家換Business，國泰長途個Business好鬼舒服的！但呢個方法有個缺點，就係好難換 🙁 可能溫哥華太多華人，搞到隻機一般都好full，就算Business都係咁話，所以有時就算你好早換都會無位，唯一辦法就係轉機！ 轉機最方便既地方就梗係經東京啦！又多個藉口可以去東京買野，嘻嘻！大家可以坐日航或國泰或港龍去到東京先，然後再坐日航去溫哥華。如果咁換的話，其實基本上日日都有位咁制，而來回個時間小斯覺得都幾OK！hea下hea下咁幾舒服！ 我岩岩聖誕個行程就係先去日本過平安夜，然後玩幾日東京，再坐去溫哥華，最後再由溫哥華經東京返香港。呢個行程就比直航溫哥華易換好多啦！但缺點就係要轉機，同埋日航business唔太好坐，喺下個post我會分享有幾唔好坐！咁樣換一樣都係來回Econ 60,000里、Business 120,000里。 但係大家都知，am係有2個stopover、2個transit同1個openjaw架啦！小斯就建議大家可以去程直航去溫哥華，然後回程先經東京返香港，咁就可以shop幾日ping啦！而且日航可以拎3個喼架！嘿！哈哈哈哈！咁樣換都係來回Econ 60,000里、Business 120,000架喳！   – 溫哥華YVR<->黃刀鎮YZF 溫哥華去黃刀鎮，係無直航既，點都要轉一次，一般喺Calgary或者Edmonton轉。營運既航班就只有Air Canada同Westjet，而Air Canada係屬於Star Alliance，即係無得用AM換啦！所以就只能用United Airlines去換啦！ 用United換，就只屬25,000里同俾$115就可以換到來回溫哥華YVR<->黃刀鎮YZF。 其實咁換係幾抵既！因為你買既話，一般平極都要$2,500，時間靚仔少少既都起碼要$3,000至$4,000，而且Westjet更加係廉航黎，唔包寄艙行李，需要另外俾錢去買行李！所以咁樣換用25,000換Air Canada去係好鬼抵！不過咁樣換缺點就係好難換，我都換唔到呀！嗚！ 不過，俾個經驗大家，一般買機票最平個班機多數都係Westjet，去程成朝早6點鐘，跟住回程又係朝早6點鐘，但其實咁樣都無乜問題！因為溫哥華機場離市區都幾近，其實搭的士去$200港紙內實得；然後回程就算係朝早6點鐘，好多酒店都有Shuttle Bus，所以就算係啲咁爛既時間，都可以放心照買啦！而且可以用盡晒時間，岩晒爛玩既我地，哈哈哈！ 係第二彈會想同大家分享下日航隻787 business有幾唔好坐-_-