【信用卡交稅優惠2024/2025】不斷更新！中銀/HSBC/東亞/渣打/WeChat Pay HK/AlipayHK都有！滙豐信用卡交稅高達$600獎賞錢回贈！渣打信用卡交稅高達HK$300回贈！中銀信用卡交稅高達HK$888現金回贈

信用卡交稅優惠

信用卡交稅優惠2024/2025有了！相信大家差唔多要交稅，唔想交都要交架啦 🙁  不如點都用下電子方式去交，一來唔使交支票咁麻煩，二來上網交又方便而且仲可以慢慢慢慢咁交，得閒交啲得閒交啲咁架～

三來就係仲有啲交稅優惠啦！不過交稅優惠同平時網上繳費交水電煤唔同，所以銀行一般既promotion，都寫到明係唔接受交稅既，所以就一定要用啲特別既交稅優惠交先有！

電子錢包交稅優惠：

• WeChat Pay交稅高達2.5%現金回贈 (全世界都有)
• AlipayHK交稅扣稅券 (全世界都有！每日搶扣稅券，有$5,000及$50可搶！)
  
• 八達通錢包交稅 高達1%現金回贈 (全世界都有)

信用卡交稅優惠：

• HSBC信用卡繳稅優惠 高達$600「獎賞錢」 (特選優惠)
• 中銀信用卡交稅優惠 高達HK$888現金回贈 (全世界都有)
• 渣打信用卡高達HK$300現金回贈 (特選優惠)
• 東亞Visa信用卡高達52,000里及額外HK$500現金回贈（全世界都有）
• Citi信用卡交稅優惠 $500簽賬 (全世界都有)
• 尚待更新－大新信用卡交稅優惠 高達$600現金回贈 (全世界都有)
• 尚待更新－DBS戶口 高達HK$500現金獎賞 (全世界都有)
  

再提一提宜家透過八達通錢包係可以用佢既餘額黎交稅 (掃一掃你稅單個QR Code就可以)，所以只要你用八達通自動增值既方法轉錢入你個八達通錢包戶口，再用你戶口裡面既錢去交稅就可以賺到$6/里或1.5%現金回贈！但記得當然係用你$3,001至$10,000既錢啦，因為本身頭$3,000係可以直接轉返入戶口，咁就連個1%手續費都慳返啦！而八達通自動增值又可以儲到$6/里 (渣打國泰萬事達卡) 或 1.5%現金回贈 (渣打Simply Cash) 或 ，所以交稅的話真係用O! ePay交係最抵呀！

同埋用WeChat Pay交稅都係最抵！因為用安信EarnMORE信用卡交都係有1%回贈！所以都係一個好方法呀！

八達通錢包交稅優惠2024/2025：高達1%現金回贈 (全世界都有)

八達通錢包教學：flyformiles.hk/8988

信用卡推介：

渣打國泰萬事達卡 ($6/里)
安信EarnMORE信用卡 (1%現金回贈)

由於宜家透過八達通錢包可以用佢既餘額黎交稅 (掃一掃你稅單個QR Code就可以)，所以只要你用八達通自動增值既方法轉錢入你個八達通錢包戶口，再用你O! ePay戶口裡面既錢去交稅就可以賺到$6/里或2%現金回贈！但記得當然係用你$3,001至$10,000既錢啦，因為本身頭$3,000係可以直接轉返入戶口，咁就連個1%手續費都慳返啦！

WeChat Pay交稅優惠2024/2025： 高達2.5%現金回贈 (全世界都有)

WeChat Pay繳費手續費

另外使用信用卡、餘額、銀行帳戶繳交電訊繳費增值0%手續費

WeChat Pay

信用卡推介：安信EarnMORE信用卡 (1%現金回贈)

用WeChat Pay繳費的話，係要收1%手續費既！如果你係用 安信EarnMORE信用卡交的話 (即係直接用WeChat scan你稅單上面個QR Code，再揀用安信EarnMORE就交到了！

本身用安信EarnMORE交稅的話，都會有2%回贈，扣返1%手續費，都會有1%回贈賺到啊！

如此同時，WeChat Pay 出咗個銀聯交稅優惠，由2024年11月1日至12月31日，累積夠一定交稅金額就可以拎現金券，現金券係可以馬上用嚟交稅用，建議大家分拆啲稅嚟交，玩盡回贈。留意現金券每日名額有限，每日10點開搶。有機會果日畀人搶晒就要等第2日。

• 累積滿HK$5,000可拎取合共HK$75現金券
• 累積滿HK$10,000可拎取合共HK$150現金券
• 累積滿HK$20,000可拎取合共 HK$300現金券

咁累積HK$20,000拎取合共HK$300現金券等於1.5%回贈，綁安信EarnMORE信用卡再有1％回贈，即是2.5%回贈。

注意WeChat Pay繳費上限係每日$10,000 (計返手續費即係每日上限淨係可以交$9,990稅)，而每個月上限係$100,000，所以唔夠用的話，分幾日交就可以！

另外要留意返EarnMORE卡每年2%回贈上限嘅簽賬額就係$150,000！所以要睇住黎交啊！

(先戴頭盔，EarnMORE卡其實無明文話過WeChat繳費係可以有分的，只係大家一齊試咗出來有！所以難保今日有回贈但聽日無！所以建議大家喺呢一部份唔好打去客服到問)

AlipayHK交稅優惠2024/2025：扣稅券 (全世界都有)

AlipayHK繳費手續費

11月有扣稅券可以搶！

• $5,000扣稅券 (繳稅滿$50,000可使用，24小時內有效) – 呢張係每日12:00要搶
• $50扣稅券 (繳稅滿$10,000可使用，有效期3天) – 呢張就咁撳就得，宜家都有｜

入返AlipayHK app搵「2024年繳稅專區」就可以進入領券頁面了！

信用卡交稅優惠比較2024/2025：

累積交稅滿HK$30,000回贈

而家有唔少信用卡交稅優惠門檻要累積交稅滿HK$30,000以上先有，記得除咗交稅以外，大部分均有零售簽賬條件，簽夠再交稅先有回贈！提提大家，其實累積交稅係可以幫屋企人交埋嘅，夾埋一齊計就容易有回贈！

累積交稅滿HK$50,000回贈

去到累積交稅滿HK$50,000回贈的優惠嚟講，渣打信用卡特選客戶回贈目前仍然最高，而且無零售簽賬條件，但如果無中特選就考慮吓其他銀行優惠。

累積交稅滿HK$100,000回贈

去到累積交稅滿HK$100,000門檻，交稅回贈當然更加多！如果用中銀Visa信用卡比其他中銀信用卡回贈多一倍，可享HK$400現金回贈。

HSBC信用卡交稅優惠2024/2025： 高達$600「獎賞錢」 (特選優惠)

推廣期：2024年11月18日至2025年2月28日

HSBC信用卡交稅優惠！於推廣期內，以合資格信用卡（i）作合資格簽賬並累積簽賬淨額滿HK$10,000或以上，及（ii）累積合資格稅款金額滿HK$30,000或以上，您可享：

a. 以合資格信用卡累積合資格稅款金額，可享額外「獎賞錢」：

b. 以合資格Mastercard®信用卡累積合資格稅款金額滿HK$200,000或以上，可多享額外$200「獎賞錢」；

c. 以合資格信用卡成功申請合資格分期計劃而該項合資格分期計劃獲批核金額達HK$30,000或以上，可享額外$100「獎賞錢」，整個推廣期內最多可獲額外$200「獎賞錢」。

適用信用卡：HSBC Visa信用卡、HSBC銀聯、HSBC Red 信用卡、滙豐EveryMile信用卡

中銀信用卡交稅優惠2024/2025：高達HK$888現金回贈 (全世界都有)

推廣期: 2024年11月15日至12月30日

中銀信用卡交稅優惠已出爐！用已登記中銀信用卡繳交稅款滿以下指定金額並累積簽賬滿HK$20,000或以上，可享高達HK$888現金回贈，用中銀Visa卡繳交大額稅款比其他中銀信用卡回贈多！記得除交稅外，信用卡並需累積合資格零售簽賬HK$4,000或以上才可獲享交稅回贈。名額20,000個。

• 滿$20,000：中銀Visa信用卡及其他中銀信用卡$50現金回贈
• 滿$50,000：中銀Visa信用卡及其他中銀信用卡$100現金回贈
• 滿$100,000：中銀Visa信用卡$400現金回贈、其他中銀信用卡$200現金回贈
• 滿$200,000：中銀Visa信用卡$688現金回贈、其他中銀信用卡$300現金回贈
• 滿$300,000：中銀Visa信用卡$888現金回贈、其他中銀信用卡$300現金回贈

2024年11月30日前交稅達HK$20,000，額外HK$50現金回贈，需透過BoC Pay登記。

再有分期優惠高達HK$3,500現金回贈，不過要計算好利息及手續費，個人化每月手續費低至0.18%，12個月實際年利率4.04%。

優惠詳情：https://www.bochk.com/tc/creditcard/promotions/offers/tax.html

中銀信用卡推介：中銀Cheers Card、中銀Chill Card、中銀崇光Visa卡、中銀雙幣卡<大灣區一卡通>

渣打信用卡交稅優惠2024/2025： 高達HK$300回贈 (特選優惠)

渣打信用卡交稅優惠只限特選客戶， 由2024年11月1日至2025年1月31日， 透過網上理財或SC Mobile App交稅滿以下金額，可獲取高達HK$300現金回贈。

• 累積交稅HK$30,000 – HK$100,000：HK$150現金回贈
• 累積交稅HK$100,001或以上：HK$300現金回贈

優惠詳情：https://av.sc.com/hk/content/docs/hk-ccpl-tp-300cr-oe-tnc-1124.pdf

渣打信用卡推介：渣打Smart信用卡、渣打國泰Mastercard

東亞信用卡交稅優惠2024/2025：高達52,000里及額外HK$500現金回贈（全世界都有）

優惠一： 網上交稅享高達52,000里

由2024年11月1日至2024年12月30日，登記BEA Mall App後要完成兩個條件先可以享有東亞信用卡交稅優惠，高達52,000里（夠換2張日本來回經濟艙機票），名額3,500個。

• 憑東亞銀行Visa信用卡累積合資格零售簽賬金額
• 東亞網上銀行或手機App繳費滿指定金額，包括交稅、水電媒、學費、保費等

新客戶再享額外2,000里：
如2023年11月1日至2024年10月31日期間從未以任何東亞銀行信用卡成功透過東亞網上銀行之「繳款-賬單」功能網上繳費，2024年12月30日前滿足兩個條件就可享額外2,000里。

• 累積合資格零售簽滿HK$3,000
• 累積合資格繳費金額滿HK$5,000

優惠二：交稅早鳥優惠額外HK$500回贈

由2024年11月1日至2024年11月30日，首1,000名登記BEA Mall App後，累積HK$3,000零售簽賬及單筆交稅滿HK$50,000，再享額外HK$500回贈。

詳情： https://www.hkbea.com/html/tc/bea-credit-card-rewards-and-spending-offer-onlinebillpayment.html

Citi信用卡交稅優惠2024/2025：

Screenshot

Citi交稅優惠2024/2025，由即日起至2025年2月28日：

• 透過Citi Mobile App提升信用卡信貸額之後，累積消費滿HK$3,000可享HK$200超市禮券
• Citi PayAll交稅可享HK$4.8/里及1.8%繳費回贈（Citi Prestige有2.5倍分、Citi PremierMiles 信用卡2倍分；Citi Cash Back其他卡有1.8%回贈）
• 特選客戶簽賬分期高達HK$15,000購物禮券
  

第一個優惠都簡單嘅，提升信貸額之後喺推廣期內消費夠就可以獲享HK$200超市禮券！

第二個Citi PayAll就好雞肋，因為本身Citi Payall都有1.8%手續費，如果你用現金回贈卡交，只係打個和，不過如果當係幫手拖下卡數都好嘅，多啲現金流！揀里數卡概念就係買里數，當你用Citi Prestige 計返都要$0.108/里，係有啲貴)

第三個要特選先有之餘，仲要係簽賬分期，真係用到先有用。

詳情及登記網址： https://www1.citibank.com.hk/chinese/credit-cards/promotions/tax-payment

Citi信用卡：
Citi Prestige、
Citi Premilermiles、
Citi Cash Back Visa、
Citi Rewards 信用卡、
Citi 八達通信用卡、
Citi HKTVmall信用卡

大新信用卡交稅優惠2023：高達$600現金回贈 (全世界都有)－2024優惠未推出

優惠1及優惠2之推廣期：2023年11月27日至12月28日

無論清還其他銀行信用卡卡數或貸款，憑指定大新信用卡主卡簡單3步網上繳費可享無上限0手續費！

優惠3：高達600港元現金回贈

於2023年12月28日或之前憑大新信用卡於網上理財／流動理財的繳費服務成功交稅並達指定累積金額，可享高達500港元現金回贈！

• 滿$10,000：$50現金回贈
• 滿$50,000：$100現金回贈
• 滿$100,001：$200現金回贈
• 滿$150,001：$300現金回贈
• 滿$200,000：$500現金回贈

另外，於2023年12月15日或之前成功以以下 QR Code 經大新 WhatsApp Business 官方帳戶登記，並交稅達20,000港元或以上可獲享額外100港元快閃優惠！

優惠詳情： https://www.dahsing.com/html/tc/credit_card/other/online_bill_payment.html

適用信用卡：大新ONE+白金信用卡、大新英國航空白金卡、大新ANA World Master、大新聯合航空World萬事達卡

DBS戶口交稅優惠2023：高達HK$500現金獎賞 (全世界都有)－2024/25交稅優惠未推出

用戶登記後，再經DBS digibank HK流動應用程式或星展iBanking網上理財星展即時繳交政府帳單，包括稅單、地租及運輸署帳單，有高達$500現金獎賞

• 繳交政府賬單合計HK$200,000或以上，就有HK$400現金獎賞；繳交政府賬單合計HK$100,000至少於HK$200,000，就有HK$200現金獎賞
• 存入賞：首次使用電子直接付款授權 (eDDA) 並累積存入HK$100,000或以上再繳交政府賬單，有HK$50現金獎賞
• 早鳥賞：於2024年1月31日前繳款HK$50現金獎賞
• 優惠期至2024年4月30日

詳情： https://www.dbs.com.hk/personal-zh/promotion/Digital-Tax

DBS戶口： https://flyformiles.hk/14022

信用卡交稅優惠2024/2025常見問題

1. 平時用信用卡交稅有積分嗎？

交稅優惠同平時網上繳費交水電煤唔同，所以銀行一般既promotion，都寫到明係唔接受交稅既，所以就一定要用啲特別既交稅優惠交先有！

2. 電子錢包可以交稅嗎？

Payme/支付寶/wechat都唔可以。八達通oepay可以透過O! ePay 係可以用佢既餘額黎交稅 (掃一掃你稅單個QR Code就可以)，所以只要你用八達通自動增值既方法轉錢入你個O! ePay戶口，再用你O! ePay戶口裡面既錢去交稅就可以賺到$6/里或1%現金回贈！

3. 使用八達通oepay交稅的方法是什麼？應使用什麼信用卡？

宜家透過O! ePay 係可以用佢既餘額黎交稅 (掃一掃你稅單個QR Code就可以)，所以只要你用八達通自動增值既方法轉錢入你個O! ePay戶口，再用你O! ePay戶口裡面既錢去交稅就可以賺到$6/里或1%現金回贈！但記得當然係用你$3,001至$10,000既錢啦，因為本身頭$3,000係可以直接轉返入戶口，咁就連個手續費都慳返啦！而八達通自動增值又可以儲到$6/里 (渣打國泰萬事達卡) 或 2%現金回贈 (安信Earnmore信用卡)，所以交稅的話真係用O! ePay交係最抵呀！

4. 怎樣使用信用卡於網上交稅？

登記該銀行ebanking，再於裡面「繳稅」即可