馬爾代夫華爾道夫酒店 Waldorf Astoria Maldives Ithaafushi

【馬爾代夫華爾道夫酒店 Waldorf Astoria Maldives Ithaafushi 住宿報告】Hilton既天花版！基本房都可以係3,000呎水上屋Reef Villa！有近10米私人泳池！

😍 經小斯申請信用卡/戶口/稅貸有額外積分/禮券/現金呀：flyformiles.hk/20634

😆 記得要follow埋我Instagram睇我啲靚旅行相呀！

😳 唔想錯過任何優惠或消息，記得要訂閱我既電子報呀！一有消息就會email通知你呀！(按我登記訂閱)

馬爾代夫華爾道夫酒店 Waldorf Astoria Maldives Ithaafushi 住宿報告

如果講用Hilton積分的天花版，一定係換馬爾代夫嘅華爾道夫酒店！本身華爾道夫已經係Hilton 希爾頓集團裡面最頂級、最奢華既品牌，宜家仲要係馬爾代夫個間！本身呢間酒店一晚都要差唔多2,000美金！如果一野換5晚的話，係會送1晚俾你的！即係15萬分 x 4晚就換到5晚，除返就係12萬分一晚！

用Hilton希爾頓積分兌換，咁就唔使用成萬幾蚊HKD入住！當你12萬分一晚，如果用AE積分轉Hilton分再兌換，就即係需要768,000分！計返768,000分以Pay with Points 300:1計算，大約就係HK$2,560左右就住到！而且係唔使額外俾稅同服務費，係非常抵！

而且只要持有AE白金卡，就有免費Hilton金卡會籍：可以直接註冊做Hilton金卡！就已經有Room Upgrade、免費早餐、early check in 同late check out！馬爾代夫嘅酒店早餐係非常重要！因為一份夠飽既早餐係可以令你唔使食晏晝飯，你就可以慳返一餐啦！仲可以參加快速升Diamond既Challenge，如果係Diamond鑽石卡入住，每晚9-10仲有Happy Hour 可以免費飲下酒同食吓小食添！同埋做Spa會有多30分鐘送！

AE白金卡 (細頭)

Hilton Honors希爾頓酒店常客會員計劃玩法詳解及優惠

Fine Hotels＆Resorts FHR 豪華酒店及度假村計劃

馬爾代夫華爾道夫酒店住宿報告 AE白金卡禮遇

用Hilton希爾頓積分兌換，咁就唔使用成萬幾蚊HKD入住！當你12萬分一晚，如果用AE積分轉Hilton分再兌換，就即係需要768,000分！計返768,000分以Pay with Points 300:1計算，大約就係HK$2,560左右就住到！而且係唔使額外俾稅同服務費，係非常抵！
而且只要持有AE白金卡，就有免費Hilton金卡會籍：可以直接註冊做Hilton金卡！就已經有Room Upgrade、免費早餐、early check in 同late check out！馬爾代夫嘅酒店早餐係非常重要！因為一份夠飽既早餐係可以令你唔使食晏晝飯，你就可以慳返一餐啦！仲可以參加快速升Diamond既Challenge，如果係Diamond鑽石卡入住，每晚9-10仲有Happy Hour 可以免費飲下酒同食吓小食添！同埋做Spa會有多30分鐘送！
AE FHR：呢個要比較一下價錢！用AE FHR預訂，除咗會有晒Hilton金卡的福利外，仲會有多100USD俾你用！但呢間Waldorf Astoria Maldives就應該唔會點平啲了！點都係用返積分換最抵！

馬爾代夫華爾道夫酒店 Waldorf Astoria Maldives Ithaafushi 住宿報告入島方法 – 豪華遊艇

Waldorf Astoria Maldives Ithaafushi可以話係馬爾代夫Hilton嘅新酒店，2019年7月先開業，位於被評為第四級珊瑚礁環內嘅South Male Atoll，由三個人工小島組成，一共有122間villa及11間餐廳，面積非常大！

平時去馬爾代夫啲酒店要坐水上飛機勁麻煩，由於係坐外批嘅水上飛機公司，所以你係要就佢啲飛機時間！但由馬累機場去Waldorf係坐遊艇架！！所以係勁舒服而且又可以佢就你時間！佢係一隻約70呎嘅遊艇黎，係屬於Waldorf Maldives嘅豪華遊艇！上面有兩間房，有晒床、廁所、wifi、冷氣，雖然只係坐30分鐘，但已經有晒蛋糕仔、三文治、生果、果汁、茶、酒等等去招呼你！所以呢30分鐘好快過！仲幾舒服添！

但雖然5晚酒店都唔使錢！稅同服務費又唔使俾！但來回坐遊艇嘅錢係要俾的！你預返大約加埋一1個人都要約HK$9,000港紙了！最肉痛係呢筆錢啊！

馬爾代夫華爾道夫酒店住宿報告酒店環境、泳池、沙灘

房型 King Reef Villa with Pool

今次住既房型係King Reef Villa with Pool，Diamond都無upgrade的 (hahaha 但其實唔太需要，因為都好正) 所謂既Reef Villa同Overwater Villa其實無乜分別，只係overwater Villa係成個villa都起喺水上面，但Reef Villa就一半喺水一半喺地咁！唔知係咪因為咁所以先變咗做基本房，因為啲歐洲人係鍾意Beach Villa多啲 @@ (但我諗無香港人鍾意Beach Villa吧！香港地坐半個鐘車可能都去到個沙灘了)

呢隻基本既房型，本身都已經有成3,000呎！有一個living room，一個大walk in closet同一個大沖涼位置！沖涼亦有分室內同室外，當然室外沖係正好多！然後露台就有一個大既私人泳池，大約我估15米左右吧！再有好多吊床俾你打卡影相！所以日日喺出面hea都勁正！

不過馬代真係好多蚊，所以酒店都有蚊怕水準備埋俾大家！同埋浮潛用品都可以免費借既！

馬爾代夫華爾道夫酒店健身室Gym

佢個健身室真心大！好多機都好夠！而且佢地都好環保，會借個水樽俾你裝水飲！而佢仲會喺到賣Whey Protein俾你，19.5美金！真心識賺錢！

早餐

早餐係喺馬爾代夫最緊要嘅嘢！因為只要你食到一個好full既早餐，你就可以skip咗個lunch，咁就慳返一餐啦！因為喺酒店食一餐正常既正餐，隨時都成千銀架！酒店早餐就喺同一間餐廳Tasting Table食既，有齊晒水果、yogurt、sparkling wine、一堆印度野、燒賣、炒麵、一堆包、smoothie等等！即製野亦有每日唔同嘅湯麵，Egg Benedict、Omelet、Poached egg、Egg Cocotte、Pancake、Crepes、Waffle、French Toast！所以點都夠你飽！

餐廳

呢到一共有11間餐廳！本身我仲帶晒野食，諗住可以自己煮，但因為管家極度建議我要試下佢地啲餐廳，點知真係試完覺得好好食！因為佢啲調味好重，所以肯定係好味的！而且啲餐廳仲要好難book！建議大家真係最好出發前book晒5晚餐廳，唔係你就要好似我咁重覆食早餐個間餐廳架啦！哈！

Terra：樹屋餐廳！好難book！我住5晚都book唔到！
Yasmeen：阿拉伯餐廳！食好正中嘅中東野，啲烤肉個啲勁好味！都易book！我都試咗一晚！唔係話好貴！都可以一試
Li Long：中菜餐廳！超級難book，管家話呢間餐廳勁好食！北京烤鴨就最出名，但我住5晚又係book唔到！
Tasting Table：海邊既餐廳，每一日既早餐都喺呢到食！同埋我都試過一晚喺呢到食～普普通通無乜特別咁！只係想提一句，最好出發前book晒5晚餐廳，唔係你就要好似我咁食Tasting table了！
The Rock：係一個岩洞餐廳，我都係試唔到呢間，但我無乜印象管家提過呢間餐廳啲乜野@@
Glow：一間專用有機健康食物既餐廳，如果想食清啲可以試下呢間餐廳，不過我食完都唔覺特別清，因為佢啲調味都比較重
The Ledge：泳池池畔餐廳，提供簡餐、燒烤同雞尾酒！拎過米芝蓮林一星！夜晚喺到食野個vibe都唔錯的！
Peacock Alley：呢個可以話係酒店嘅小休息室或小lounge，有現場音樂同酒俾你飲！如果你係Diamond member，每晚嘅9-10仲有Happy Hour 可以俾你免費飲下酒同食吓小食添！
Amber： Amber係島上既招牌酒吧，淨係差唔多人人都會去睇日落既地方！可以飲住杯酒再睇日落係超級唔錯
Nava：可以話係泳池餐廳，有現場音樂同DJ，提供各種輕食同雞尾酒為主
Tangled：淨係開晏晝既餐廳，有各種麵食，係島上最受歡迎嘅午餐地方，不過我無一日食午餐，所以呢一間我都無試

Waldorf Astoria Maldives Ithaafushi 活動 (出海釣魚)

因為見平平地，所以我地都報咗個出海釣魚睇日落既活動！呢個活動好得意，佢係用一抽魚絲就咁扔落去嚟釣，不過我地個日天氣唔係好好，所以就淨係釣得2條！然後你可以加錢要咗佢，再叫酒店煮咗佢room service咁食！因為喺馬代Waldorf係有中廚嘅關係，所以係可以蒸咗佢嚟食！而唔係外國成日都炸魚烤魚咁！